Գվարդիոլան կհեռանա «Մանչեսթեր Սիթիից»
«Մանչեսթեր Սիթիի» գլխավոր մարզիչ Խոսեպ Գվարդիոլան մտադիր է հեռանալ անգլիական թիմից:
Ինչպես հաղորդում է Football Insider - ը, Գվարդիոլան կհեռանա «Մանչեսթեր Սիթիից» գործող պայմանագրի ժամկետը լրանալուց հետո՝ 2025 թվականի ամռանը: Այսպիսով, իսպանացին «քաղաքայինների» հետ կաշխատի 9 մրցաշրջան։ Նշվում է, որ «Մանչեսթեր Սիթիից» հեռանալուց հետո Գվարդիոլան մտադիր է դադար վերցնել մարզչական կարիերայում:
«Մանչեսթեր Սիթին» Գվարդիոլայի գլխավորությամբ պատմության մեջ առաջին անգամ հաղթեց ՈՒԵՖԱ-ի Չեմպիոնների լիգայում: Նախորդ մրցաշրջանում անգլիական թիմին հաջողվել է տրեբլ ձևակերպել։ Իսպանացու գլխավորությամբ «քաղաքայիններին» հաջողվել է 5 անգամ հաղթել Անգլիայի առաջնությունում:
Գվարդիոլան կարիերայի ընթացքում մարզել է նաև «Բարսելոնան» և «Բավարիան»: Ընդհանուր առմամբ, բոլոր ակումբների հետ Իսպանացի մասնագետը նվաճել է 37 տիտղոս, այդ թվում՝ ՈՒԵՖԱ-ի Չեմպիոնների լիգայի երեք տիտղոս:
Կարծիքներ