Պնդումը բացարձակապես չի համապատասխանում իրականությանը․ Ռաֆայելը դպիր է ձեռնադրվել սահմանված կարգով՝ 2018 թ․-ին, Կճոյանի ձեռամբ. ՔՊ ԵԿ նախագահ
ՔՊ Երիտասարդական կառույցի ղեկավար Արման Անդրեասյանը ֆեյսբուքյան իր էջում գրել է․
Սոցիալական ցանցերում որոշ անհատների կողմից տարածվել է ապատեղեկատվություն՝ իբրև ՔՊ Երիտասարդական կառույցի անդամ Ռաֆայել Ջուլհակյանը Հովհաննավանքում ծառայել է որպես «կեղծ դպիր»։
Տեղեկացնում եմ, որ տվյալ պնդումը բացարձակապես չի համապատասխանում իրականությանը։
Ռաֆայելը դպիր է ձեռնադրվել սահմանված կարգով՝ Տեր Զարեհ քահանա Աշուրյանի միջնորդագրով,
2018 թվականին, Արարատյան հայրապետական թեմի առաջնորդական փոխանորդ Տեր Նավասարդ արքեպիսկոպոս Կճոյանի ձեռամբ։
Հետևաբար, ցանկացած հրապարակում կամ հայտարարություն, որը հակասում է վերը նշված փաստերին, պետք է դիտարկվի որպես կեղծ տեղեկություն և միտումնավոր վարկաբեկման փորձ։
Կարծիքներ