Ամերիկահայերը հարստացնում են մեր սովորույթները, ավանդույթները․ Ադամ Շիֆ
ԱՄՆ կոնգրեսական Ադամ Շիֆը Կալիֆորնիայում ներկա է գտնվել Հայ-ամերիկյան թանգարանի և մշակութային կենտրոնի հիմնադրման և կառուցման մեկնարկի արարողությանը: Նա իր ֆեյսբուքյան էջում գրել է․
«Ինձ համար պատիվ էր այցելել Գլենդեյլի սրտում կայացած հիմնարկեքի արարողությանը, որով տրվեց Հայ-ամերիկյան թանգարանի և մշակութային կենտրոնի կառուցման մեկնարկը:
Ամերիկահայերը մեր ազգի հյուսվածքի նշանակալի բաղադրիչն են՝ հարստացնելով մեր սովորույթները, ավանդույթները և համայնքները: Նրանց պատմությունն ամերիկյան պատմություն է` հույսի շող դժվարություններին դիմակայելու գործում, համառության և նոր սկզբի դրսևորում։
Այս թանգարանը կապահովի, որ այդ պատմությունը պահվի հետագա սերունդների համար»:
Կարծիքներ