«Բայց ափսոս ես Արմեն, ափսոս ես բժիշկ ջան, մնայիր սիրված, մնայիր պրոֆեսորիդ բարձր դիրքում…». Իզմիրլյան ԲԿ բուժքրոջ գրառումը Արմեն Չարչյանի մասին

Իզմիրլյան կենտրոնի նախկին աշխատակցուհին իր ֆեյսբուքյան էջում գրառում է կատարել, որտեղ ասվում է

Արմենը Չարչյան լավ բժիշկ է, ոչ ոք չի քննարկում դա։ Արմենը հազարավոր կյանքեր է փրկել, բարձր է պահել բժշկի անունը, այո։ Արմենը որքան որ հավատարիմ է Հիպոկրատի երդմանը և պրոֆեսորի իր կոչմանը, մի այդքան էլ փաստորեն թքաաած ունի Հայաստանի Հանրապետության և նրա օրենքների վրա։ Լավ մասնագետ լինելը չպիտի քեզ տա թևեր երերացող երկրիդ վրա թքելու, քաղաքացուդ արժանապատվությունը ոտնահարելու, աշխատակից բուժաշխատողիդ ստրուկի տեղ դնելու համար։ Դատապարտելի է, այո։

Ի վերջո, որքան էլ որ հրաշալի բժիշկ է Արմենը, փաստենք , որ անդամն է մի դաշինքի, որի առաջնորդը հոկտեմբերի 27֊ի կոտորածից օրեր անց կինդեր ձվիկով ու ծամածռված բերանով հարցազրույց էր տալիս Արամ Աբրահամյանին։

Բան չունեմ ասելու, արժեհամակարգի և ընտրության հարց է։ Բայց ափսոս ես Արմեն, ափսոս ես բժիշկ ջան, մնայիր սիրված, մնայիր պրոֆեսորիդ բարձր դիրքում, տեղից էլ երկիրը «փրկողների» թիվը անհաշվելի է։