Ավելի քան 280 հազար սպառող Կանադայի արևելքում վատ եղանակի պատճառով մնացել է առանց էլեկտրականության

Ավելի քան 280,000 տնային տնտեսություններ և այլ շենքեր մնացել են առանց էլեկտրականության ուժեղ քամիների պատճառով, որոնք հարվածել են արևելյան Օնտարիոյի հարավային հատվածին: Այս մասին հայտնել է ՏԱՍՍ-ը՝ հղում անելով  Global news հեռուստաալիքը ։

Վատ եղանակը, մասնավորապես, եղել է Տորոնտոյի և նրա արվարձանների շրջանում։ Ազգային եղանակային բյուրոյի տվյալներով՝ քամու արագությունը տեղ-տեղ գերազանցել է 120 կմ/ժ-ը (33 մ/վ): Արդյունքում մարզում հազարավոր ծառեր են հատվել, վնասվել են էլեկտրահաղորդման գծերը։

Տեղական էլեկտրացանցային ընկերության տվյալներով՝ արտակարգ իրավիճակների ջոկատներն արդեն վերացնում են մոլեգնող աղետի հետևանքները, սակայն մինչ այժմ 210 հազար սպառող մնացել է առանց էլեկտրականության։ Վերականգնման աշխատանքների ավարտի ժամկետների մասին չի հաղորդվում։

Զոհերի մասին տեղեկություն չի ստացվել։