Ինձ զրպարտելու փորձի համար շատ թանկ եք վճարելու դատարանի որոշման հիման վրա. Ալեն Սիմոնյան
ՀՀ ԱԺ նախագահ Ալեն Սիմոնյանը «Ֆեյսբուք»-ի իր էջում գրառում է արել և տեղեկացրել, որ իր մասին լրատվամիջոցներից մեկը զրպարտանք հրապարակել:
«Նոր մի նյութ ինձ ուղարկեցին, որտեղ մի մեծ ցանկ էր՝ իբր իմ ունեցվածքների և ինձ վերագրվող շռայլությունների մասին: Բազմաթիվ ծեծված և հերքված անհիմն վերագրումներ, փաստերի ուռճացում և այլն:
Մեջն էլ մի տողով, թե բա՝ հաջորդիվ կներկայացնենք այլ բաներ:
Իրականում մեծ հաճույք ստացա նյութը ընթերցելիս, քանզի բազմաթիվ ստեր, սխալներ, չճշտված պնդումներ, զրպարտանք է պարունակում, ինչը նշանակում է, որ լրատվամիջոցը կանխիկ գումարով վճարելու է այդ սխալների համար:
Բայց նյութի վերնագիրը լավն էր՝ «Թանկարժեք տղան», այո՛, և դուք շատ թանկ եք վճարելու դատարանի որոշման հիման վրա այս ստերի և ինձ զրպարտելու փորձի համար»,- գրել է Ալեն Սիմոնյանը:
Կարծիքներ