Հայաստանին օգնություն ցուցաբերելու վերաբերյալ ՀԱՊԿ անդամ երկրների ղեկավարների որոշումը լրամշակման կարիք ունի․ Զաս
Երևանում այսօր ընթացած ՀԱՊԿ Հավաքական անվտանգության խորհրդի նիստի քննարկման առանցքում երկու փաստաթուղթ է եղել: Դրանցից մեկը Հայաստանին օգնություն ցուցաբերելու վերաբերյալ երկրների ղեկավարների որոշումն է:
Այս մասին հայտնել է ՀԱՊԿ գլխավոր քարտուղար Ստանիսլավ Զասը։
«Այն ընդհանուր առմամբ պատրաստ է, համաձայնեցված, որոշված է Ադրբեջանի հետ սահմանին լարվածության հետ կապված ոչ դյուրին իրավիճակում Հայաստանին օգնություն ցուցաբերելու միջոցառումների շրջանակը, սակայն մի շարք առումներով փաստաթուղթը լրամշակելու կարիք կա, որից հետո այն կներկայացվի երկրների ղեկավարների ստորագրմանը»,- նշել է Զասը։
Քննարկված երկրորդ փաստաթուղթը ՀԱՊԿ Հավաքական անվտանգության խորհրդի հռչակագիրն է, որը նույնպես համաձայնեցվել է, սակայն, այսօր կայացած քննարկման արդյունքում, որոշվել է մի քանի խմբագրում անել:
Կարծիքներ