Մեծ պայթուն և հրդեհ Կասպից ծովում, բաքվի առափնյա շրջանում. տեսանյութ

Կասպից ծովի ադրբեջանական հատվածում նավթ արդյունահանող հարթակն այրվում է, հրդեհը տեղի է ունեցել պայթյունից հետո։ «ՌԻԱ Նովոստի»- ին հայտնել է իրավիճակին ծանոթ աղբյուրը:

Գործակալության զրուցակցի խոսքով ՝ պայթյունը տեղի է ունեցել «Ումիդ» հարթակի մոտակայքում:

Ադրբեջանի պետական նավթային ընկերությունը (SOCAR) այսօր՝ հուլիսի 4-ին հայտարարել է, որ իր ծովային հարթակներում Կասպից ծովում վթարներ չեն եղել: Այսպիսով, նա մեկնաբանել է ավելի վաղ սոցցանցերում և Ադրբեջանի որոշ ԶԼՄ-ներում տարածված տեսագրությունը Կասպից ծովում տեղի ունեցած պայթյունի վերաբերյալ: Ականատեսները ենթադրում էին, որ պայթյունը տեղի է ունեցել ծովային հարթակներից մեկում։

«Մեր ծովային հարթակներում ոչ մի վթար տեղի չի ունեցել։ Նրանք շարունակում են աշխատել սովորական ռեժիմով: Կասկած կա, որ ծովում պայթյունի պատճառ է դարձել ցեխային հրաբխի ժայթքումը»,- ՏԱՍՍ-ի թղթակցին հեռախոսով հայտնել է SOCAR-ի միջոցառումների կազմակերպման և հասարակայնության հետ կապերի դեպարտամենտի պետի տեղակալ Իբրահիմ Ահմեդովը։