Շվեյցարիայի Զոֆինգեն քաղաքում տղամարդը դանակով հարձակվել է անցորդների վրա

Շվեյցարիայի Զոֆինգեն քաղաքում (Աարգաու կանտոն) դանակով զինված տղամարդը հարձակվել է անցորդների վրա։ Այս մասին հայտնում է  Agence France-Presse  (AFP)՝ հղում անելով տեղի ոստիկանությանը։

Գործակալության տվյալներով՝ մի քանի մարդ վիրավորվել է։ Զոհերի ստույգ թիվը չի նշվում։

Հարձակվողը կալանավորված է։ Նրա ինքնությունը և արարքի դրդապատճառները դեռևս չեն բացահայտվել։

Ինչպես հայտնում է 20 Minuten պորտալը , միջադեպը տեղի է ունեցել տեղական ժամանակով ժամը 16:00-ի սահմաններում (Մոսկվայի ժամանակով 17:00-ին) Զոֆինգեն կայարանի և ուսումնական կենտրոնի տարածքում: Հարձակման հետևանքով առնվազն երկու մարդ վիրավորվել է, այդ թվում՝ հղի կին, և նրանք տեղափոխվել են հիվանդանոց։

Հարձակվողին ոստիկանությունը բերման է ենթարկել, սակայն նրա արարքի դրդապատճառները դեռևս պարզվում են։ Հարձակվողին հայտնաբերելու համար պահանջվել է ավելի քան երկու ժամ։