Անցած տարին առանձնահատուկ էր ինձ համար. հիշեք՝ ամեն բան ձեր ձեռքում է. Սպերցյան
Հայաստանի ազգային հավաքականի ավագ, Ռուսաստանի չեմպիոն «Կրասնոդարի» կիսապաշտպան Էդուարդ Սպերցյանը շնորհավորել է Ամանորի առթիվ:
«Սիրելի՛ ընկերներ, շնորհավորում եմ նոր 2026 թվականի առթիվ: Ցանկանում եմ մաղթել ամենակարևորը՝ թող ձեր կողքին միշտ լինեն սիրելի մարդիկ՝ առողջ ու երջանիկ։ Թող բոլորիդ երազանքներն իրականանան:
Հիշեք՝ ամեն բան ձեր ձեռքում է, այդ պատճառով երբեք մի՛ հանձնվեք։ Իհարկե, անցած տարին առանձնահատուկ էր ինձ համար։ Մենք իրականացրինք մեր երազանքը և չեմպիոն դարձանք հարազատ ակումբի հետ։ Մնացածը դեռ առջևում է։ Շնորհակալ եմ յուրաքանչյուրին աջակցության ու սիրո համար անցնող տարում։ Բոլորիդ մաղթում եմ լավ հանգստյան օրեր»,- տելեգրամյան ալիքում գրել է 25-ամյա ֆուտբոլիստը։
Հիշեցնենք, որ վերջերս Էդուարդ Սպերցյանը ճանաչվել էր Հայաստանի լավագույն ֆուտբոլիստ։
Կարծիքներ