Գերմանիայում չեն ցանկանում վերացնել Քրդական բանվորական կուսակցության գործունեության դեմ արգելքը
Գերմանիայի կառավարությունը մտադիր չէ հանել Քրդական բանվորական կուսակցության (PKK) գործունեության արգելքը: «Արմենպրես»-ի փոխանցմամբ, այս մասին մայիսի 11-ին Բեռլինում կազմակերպված մամուլի ասուլիսի ժամանակ հայտարարել է Գերմանիայի ներքին գործերի նախարարության ներկայացուցիչը:
Նա հայտնել է, որ կուսակցությունը երկրի տարբեր դատարանների կողմից բազմիցս ճանաչվել է որպես ծայրահեղական ու ահաբեկչական: ՆԳ նախարարության ներկայացուցիչը նշել է, որ իրենք չեն տեսնում պատճառ փոխելու կուսակցության նկատմամբ որոշումը:
Քրդական բանվորական կուսակցությունը Գերմանիայում արգելվել է 1993 թվականից: Կուսակցությունը ծրագրում է առաջիկայում դիմում ներկայացնել՝ իր գործունեության դեմ սահմանված արգելքը վերացնելու պահանջով:
Կարծիքներ