Դու հլը կուխնյայից դուրս արի. Փաշինյանը՝ Մինասյանին
Քաղաքական բացիլը վերակենդանանալու շանս է ստացել: Այս մասին Աժ-ում հայտարարեց վարչապետ Նիկոլ Փաշինյանը:
«Եկել են սովերից են խոսում, սոցիալական բունտերից են խոսում: Այդ սոցիալական բունտից դուք վախեցեք: Մենք ի՞նչ ունենք, որ սոցիալական բունտի զոհ է դառնալու: Առաջին հերթին ձեր ապօրինի կառուցած դղյակները, բենթլիները են դառնալու սոցիալական բունտի զոհ: Ուզում եք սոցիալական բունտ, հրահրեք սոցիալական բունտ, տեսնենք սոցիալական բունտի հետևանքով դո՞ւք որտեղ եք հայտնվելու և ի՞նչ դիրքով, որը շատ կարևոր է»,- ասաց Փաշինյանը:
Վարչապետն անդրադարձավ նաև ընդդիմության բողոքներն արգելելու մասին խոսակցություններին:
«Տեսանք ձեր արած հանրահավաքը: Կես միլիոն դոլար ծախսում եք, 200 մարդ եք հավաքում: Կեսին էլ սպառնալով: Գալիս եք, առանց դիմակի կանգանում եք և ասում եք՝ չկա կորոնավիրուս: Հիմա էլ ասելու եք՝ կորոնավիրուսն իշխանությունը գցել է ընդդիմության ջանը, որ չկարողանանք իշխանափոխություն անել: Հիմա էլ ամաչում են ասել, որ կորոնավիրուս են: Բա՞ որ մենք հանրահավաք արեցինք»,- նկատեց Փաշինյանը:
Նիկոլ Փաշինյանը խոսեց նաև Վատիկանի նախկին դեսպան Միքայել Մինասյանի տեսաուղերձների մասին:
«Մի հոգի էլ կա, ասում է՝ ես եմ տղամարդը և «կուխնու» սեղանի տակից դուրս չեմ գալիս: Մի հատ էլ ուրիշներին խորհուրդ է տալիս ՝ դուրս եկեք ֆեյսբուքից, հաղորդակցվեք իրականության հետ: Արա՛, դու հլը կուխնյայից դուրս արի, նոր մյուսներին «Ֆեյսբուքից» դուրս գալու խորհուրդ տուր»,- ասաց վարչապետը:
Կարծիքներ