2021 թվականին Ռուսաստանում ջրհեղեղներից տուժել է ավելի քան 21 հազար մարդ
Ռուսաստանում 2021 թվականին ավելի քան 21 հազար մարդ տուժել է ջրհեղեղներից, հայտնում է ՏԱՍՍ- ը՝ հղում անելով ՌԴ արտակարգ իրավիճակների նախարարության մամուլի ծառայությանը ։
«Այս տարի ջրհեղեղներից տուժել է ավելի քան 600 բնակավայր։ Միաժամանակ ջրածածկ են եղել ավելի քան 10 հազար տուն և 250 սոցիալապես նշանակալի օբյեկտ, ինչպես նաև գրեթե 300 կամուրջ և 700-ից ավելի ճանապարհահատվածներ», - հայտնում է ԱԻՆ-ը։
Փրկարարական աշխատանքների ընթացքում հեղեղված տարածքներից կանխարգելիչ կերպով տարհանվել է 12 հազար մարդ։
Հատկապես տուժել են Ղրիմը, Անդրբայկալը, Կրասնոդարի և Խաբարովսկի երկրամասերը, Ամուրի շրջանը և Հրեական ինքնավար մարզը։
Կարծիքներ