Խոշոր հրդեհ է բռնկվել Երևանի Թբիլիսյան խճուղում գործող մթերային խանութում
Այսօր՝ հոկտեմբերի 12-ին, խոշոր հրդեհ է տեղի ունեցել Երևանում: Ժամը 19:00-ի սահմաններում ՀՀ Ներքին գործերի նախարարության Փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Թբիլիսյան խճուղու թիվ 35 հասցեում գործող մթերային խանութում հրդեհ է բռնկվել:
Այս մասին գրում է shamshyan.com-ը:
Դեպքի վայր են ժամանել թիվ 5-րդ հրշեջ-փրկարարական ջոկատից 2 մարտական հաշվարկ:
Պարզվել է, որ հրդեհը բռնկվել է խանութի պահեստային հատվածում, այրվել է մթերք, ջերմահարվել են առաստաղը և պատերը՝ ամբողջությամբ:
Աղբյուրի տեղեկություններով, խանութի սեփականատիրոջը պատճառվել է մոտ 600 000 դրամի վնաս:
Կարծիքներ