ՀՀ դեսպան Ալեքսանդր Արզումանյանը նույնպես արդարացվեց «Մարտի 1»-ի գործով
Այսօր «Մարտի 1»-ի գործով արդարացվեց նաև Շվեդիայի Թագավորությունում, Դանիայի Թագավորությունում, Նորվեգիայի Թագավորությունում ՀՀ արտակարգ և լիազոր դեսպան Ալեքսանդր Արզումանյանը:
Վճռաբեկ դատարանը ճանաչել է Արզումանյանի անմեղությունը առաջադրված մեղադրանքում՝ հանցակազմի բացակայության հիմքով։
Արզումանյանի վերաբերյալ գործը վերանայելու բողոք էր ներկայացվել՝ հաշվի առնելով այն հանգամանքը, որ ՄԻԵԴ-ը 2021 թվականի օգոստոսին «Ալեքսանդր Արզումանյանն ընդդեմ Հայաստանի» գործով վճիռ է կայացրել` ճանաչելով մարտիմեկյան իրադարձությունների ժամանակ նրա ազատության և խաղաղ հավաքներ անցկացնելու իրավունքի խախտման փաստը:
Ալեքսանդր Արզումանյանը 2009-ին դատապարտվել էր 5 տարվա ազատազրկման՝ մեղավոր ճանաչվելով զանգվածային անկարգություններ կազմակերպելու համար։ Նա համաներումով ազատվել էր պատժի կրումից։
Հիշեցնենք, որ այսօր սույն գործով արդարացվեցի նաև ՀՀ վարչապետ Նիկոլ Փաշինյանը և ԵԿՄ նախագահ Սասուն Միքայելյանը:
Կարծիքներ