Ճապոնիայի Ֆուջի լեռան մոտ 4,9 մագնիտուդ ուժգնությամբ երկրաշարժ է տեղի ունեցել
Ֆուջի լեռան մոտ 4,9 մագնիտուդ ուժգնությամբ երկրաշարժ է գրանցվել։ Այս մասին հայտնում է ՏԱՍՍ-ը՝ հղում անելով երկրի ազգային օդերեւութաբանական ծառայությանը։
Ստորգետնյա ցնցումների էպիկենտրոնը գտնվել է Յամանասի պրեֆեկտուրայում՝ Օցուկի քաղաքի մոտ։ Ցունամիի սպառնալիքի մասին չի հայտարարվել։
Զոհերի կամ ավերածությունների մասին տվյալներ չեն հաղորդվում։ Ստորգետնյա ցնցումները զգացվել են Ճապոնիայի արևելյան մի շարք պրեֆեկտուրաներում, այդ թվում՝ Տոկիոյում և Կանագավանում։
Գիշերը նույն վայրում տեղի է ունեցել ևս երկու երկրաշարժ՝ 4,1 և 3,6 մագնիտուդով։ Վերջին անգամ նման սեյսմիկ ակտիվություն Ճապոնիայի այս տարածքում գրանցվել է 2012 թվականին։
Կարծիքներ