Բայդենն ասել է, որ շուտով որոշում կկայացնի ԱՄՆ-ում կլիմայի պատճառով արտակարգ դրություն մտցնելու մասին
ԱՄՆ նախագահ Ջո Բայդենը չորեքշաբթի օրը հայտարարել է, որ շուտով կորոշի երկրում կլիմայի փոփոխության պատճառով առաջացած ճգնաժամի պատճառով երկրում արտակարգ դրություն հայտարարելու հնարավորության մասին։ Նա լրագրողների հետ զրուցել է Վաշինգտոնի մերձակայքում գտնվող Էնդրյուս ռազմաբազայում:
Նրան հարցրել են, թե արդյոք նա մտադիր է կլիմայական արտակարգ իրավիճակ հայտարարել ԱՄՆ-ում: «Առաջիկայում ես որոշում կկայացնեմ այս հարցի վերաբերյալ»,- պատասխանել է պետության ղեկավարը։
«Առաջիկա օրերին իմ վարչակազմը կհայտարարի այն լուծումները, որոնք մենք մշակել ենք այս արտակարգ իրավիճակի դեմ պայքարելու համար: Մենք պետք է գործենք», - հավելել է Բայդենը:
Կարծիքներ