Արաքսիա Սվաջյանը այցելել է Գյումրի. մասնակցել «Միջմշակութային երկխոսության շաբաթ» ծրագրի ամփոփմանը
ՀՀ ԿԳՄՍ նախարարի տեղակալ Արաքսիա Սվաջյանն այսօր աշխատանքային այց է կատարել Շիրակի մարզ և Գյումրու «Ընտանիք» մանկապատանեկան ստեղծագործական կենտրոնում մասնակցել «Միջմշակութային երկխոսության շաբաթ» խորագրով ծրագրի ամփոփիչ միջոցառմանը։
Այս մասին տեղեկացնում է նախարարությունը:
Մեկ շաբաթ տևած ծրագիրը հագեցած է եղել կրթամշակութային բազմաբովանդակ միջոցառումներով՝ սեմինարներով, մասնագիտական վարպետաց դասերով, հոգևոր-մշակութային փառատոնով, վարպետ-արվեստագետների հետ հանդիպումներով, մշակութային քաղաք Գյումրիի պատմաճարտարապետական վայրեր այցելություններով և այլն։
Ծրագիրն իր շուրջն է համախմբել «Ընտանիք» կենտրոնի, Լեռնային Ղարաբաղից բռնի տեղահանված, ինչպես նաև Ջավախք աշխարհի կրթամշակութային հաստատությունների ավելի քան 110 մանկավարժների և պատանիների։
Ողջունելով ծրագրի մասնակիցներին՝ ԿԳՄՍ նախարարի տեղակալը շեշտել է նմանօրինակ նախաձեռնությունների կարևորությունն ու սաներին նորանոր նվաճումներ մաղթել:
Կարծիքներ