Ալեն Սիմոնյանը կմեկնի Ժնև. պատվիրակության կազմում է նաև Լևոն Քոչարյանը

Միջխորհրդարանական միության 148-րդ վեհաժողովին մասնակցելու համար 2024 թվականի մարտի 22-25-ը Ժնև կմեկնի Ազգային ժողովի նախագահի գլխավորած պատվիրակությունը։

Այդ պատվիրակության կազմում են ԱԺ նախագահ Ալեն Սիմոնյանը, փոխնախագահ Հակոբ Արշակյանը, «Քաղաքացիական պայմանագիր» և «Հայաստան» խմբակցությունների պատգամավորներ Հասմիկ Հակոբյանը, Արսեն Թորոսյանը, Ծովինար Վարդանյանը և Լևոն Քոչարյանը:

Այս մասին տեղեկանում ենք Ալեն Սիմոնյանի համապատասխան կարգադրությունից։

Պատվիրակության կազմում են նաև ԱԺ աշխատակազմի ղեկավարը, Ալեն Սիմոնյանի խորհրդականը, մամուլի խոսնակը և աշխատակազմի ևս վեց աշխատակից։ Գործուղման ճանապարհածախսը, օրապահիկը և ներկայացուցչական այլ ծախսեր կիրականացվեն պետական բյուջեի հաշվին։