Բաքուն, որը հավաստիացնում էր, որ ձեռնպահ կմնա ուժի գործադրումից, խախտեց իր խոստումը. Գերմանիան դատապարտում է. Բերբոք
Ադրբեջանն ընտրել է տեղում ռազմական ուժով իրավիճակ փոխելու ճանապարհը: Գերմանիան վճռականորեն դատապարտում է Բաքվի ռազմական հարձակումը և կոչ անում վերջինիս վերջնականապես և մշտապես դադարեցնել ռազմական գործողությունները՝ ՄԱԿ-ի ԱԽ նիստում հայտարարել է Գերմանիայի արտգործնախարար Աննալենա Բերբոքը:
«Քաղաքացիական բնակչությանը պաշտպանելու ամբողջական պատասխանատվությունը կրում է Ադրբեջանը»,- ասել է Բերբոքը: Նա հավելել է, որ Ղարաբաղից հայերի հարկադիր արտագաղթն անընդունելի է:
Գերմանիայի ԱԳ նախարարը շեշտել է՝ Հայաստանի և Ադրբեջանի ինքնիշխանությունը և տարածքային ամբողջականությունը չպետք է դրվի հարցականի տակ:
Միևնույն ժամանակ, Բերբոքն ընդգծել է. «Որևէ երկիր չպետք է օգտագործի այս իրավիճակը՝ Հայաստանի ժողովրդավարությունն ապակայունացնելու նպատակով»:
Կարծիքներ