Հատուկ հնարավորություն արցախցիների համար` Թումո ակադեմիայում անվճար սովորելու, կրթաթոշակ ստանալու և 6 ամսում Թումո կրտսեր դասընթացավար դառնալու համար

Հատուկ հնարավորություն արցախցիների համար` Թումո ակադեմիայում անվճար սովորելու, կրթաթոշակ ստանալու և 6 ամսում Թումո կրտսեր դասընթացավար դառնալու համար

Արցախցի դիմորդների համար հայտարարվում է Թումո ակադեմիայի ընդունելության հավելյալ փուլ:

Դիմել կարող են 21 տարեկանը լրացած բոլոր արցախցիները` անկախ մասնագիտությունից, գիտելիքներից և փորձից:

Ակադեմիան հնարավորություն է տալիս վեց ամսում ձեռք բերել նոր մասնագիտություն և, հաջողությամբ ավարտելու դեպքում, միանալ Թումոյի աճող թիմին:

Ուսումնական ծրագրի ողջ ընթացքում ակադեմիայի բոլոր ուսանողները կստանան կրթաթոշակ`

1-3 ամիսների ընթացքում` ամսական 75000 դրամ

4-6 ամիսների ընթացքում` ամսական 120000 դրամ

Դասընթացները տեղի կունենան ինտենսիվ գրաֆիկով` շաբաթական 5 օր, օրական 8 ժամ տևողությամբ: Ներկայումս դիմումներ են ընդունվում հետևյալ մասնագիտություններով.

Կապանում` ֆիլմերի ստեղծում, նկարչություն, գրաֆիկական դիզայն, խաղերի մշակում, եռաչափ մոդելավորում

Դիլիջանում` անիմացիա, խաղերի մշակում, եռաչափ մոդելավորում, գրաֆիկական դիզայն

Երևանում` Երաժշտություն, անիմացիա, լուսանկարչություն, ֆիլմերի ստեղծում, խաղերի մշակում, եռաչափ մոդելավորում, նկարչություն, գրաֆիկական դիզայն

Եթե բնակվում եք Երևանում, Դիլիջանում, Կապանում կամ այս քաղաքներին հարակից տարածքներում և ցանկանում եք նոր մասնագիտություն ձեռք բերել, դառնալ կրտսեր դասընթացավար և աշխատել Թումոյում, լրացրե՛ք հայտը այստեղ` https://tumo.org/sh/academyartsakh

Դիմումների վերջնաժամկետ` հոկտեմբերի 15: