Ինչքան հերն էր հերոս, էդքան էլ՝ տղեն. փոքրիկ Քոչարյանին պատգամավոր շինելու արդյունքը. Չախոյան
ՀՀ վարչապետի աշխատակազմի ղեկավարի տեղակալ Տարոն Չախոյանը «Ֆեյսբուք»-ի իր էջում հրապարակել է ԱԺ-ում Լևոն Քոչարյանի մասնակցությամբ տեղի ունեցած միջադեպի կադրերից մեկը և գրել.
«Տղամարդկությունը կանանց փեշի տակից հայհոյանք հնչեցնելն ու փախչելը չէ։
Սա քաղաքական տգիտության մարմնավորում է, երբ չկա ասելիք, մնում է հայհոյել։
Սա, մանդատներից հրաժարվելով, փոքրիկ Քոչարյանին պատգամավոր շինելու արդյունքն է։
Ցավում եմ ընդդիմադիր գործընկերների համար, եթե սա է նրանց հերոսի ու առաջամարտիկի կերպարը։
Ինչքան հերն էր հերոս, էդքան էլ՝ տղեն»,- գրել է նա:
Ինչպես հայտնել էինք, «Հայաստան» խմբակցության պատգամավոր Լևոն Քոչարյանի ելույթից և այն հայտարարությունից հետո, թե «հայրը, ով 2008 թվականից նախագահ չի հանդիսացել, պետք է գա ու բանավիճի՞, թե 2023 թվականին Արցախը ով է հանձնել», Ազգային ժողովում իրավիճակը լարվել էր:
Սկսված քաշքշուկի ընթացքում Լևոն Քոչարյանը, հաշվի չառնելով իր՝ ԱԺ դահլիճում գտնվելու հանգամանքը, սկսել էր սեռական բնույթի հայհոյանքներ տալ:
Կարծիքներ