Ղազախստանում բողոքի ցույցերի ֆոնին ուրանի արժեքն աճել է 8%-ով
Ղազախստանում շարունակվող բողոքի ակցիաների ֆոնին համաշխարհային առևտրային հարթակներում ուրանի գինը բարձրացել է գրեթե 8%-ով։
ՏԱՍՍ-ի հաղորդմամբ՝ այս մասին չորեքշաբթի հայտնել է Bloomberg բիզնես լրատվական գործակալությունը ՝ վկայակոչելով UxC մասնագիտացված հարթակի տվյալները, որը հետևում է ուրանի համաշխարհային գներին։
Չորեքշաբթի ուրանի արժեքը համաշխարհային շուկաներում բարձրացել է մինչև 45,25 դոլար մեկ ֆունտի դիմաց: Անցած երեքշաբթի ուրանի մեկ ֆունտի արժեքը կազմել է 42 դոլար, օրական աճը կազմել է մոտ 8%։ Bloomberg-ը հիշեցնում է, որ Ղազախստանն արտադրում է ուրանի համաշխարհային պաշարների մոտ 40%-ը։
«Եթե նույնիսկ կարճաժամկետ հեռանկարում անորոշություն լինի մատակարարման հարցում, ապա ուրանի սեփականատերերը չեն ցանկանում վաճառել այն», - գրում է Bloomberg-ը:
Կարծիքներ