Թուրքիան առաջին մարտական ինքնաթիռը կներկայացնի 2023 թվականին
«Թուրքիան մտադիր չէ ներկրել պաշտպանական արտադրանք, մեր առաջնահերթությունը կմնա պաշտպանական արդյունաբերության զարգացումն ու հզորացումը»։ Այս մասին հայտարարել է նախագահ Էրդողանը «Ազգային տեխնոլոգիաներ և նոր ներդրումներ» նախագծի մեկնարկի արարողության ժամանակ, փոխանցում է Anadolu գործակալությունը։
Նրա խոսքով, Թուրքիայի պաշտպանական արդյունաբերության նախագծերի բյուջեն 5,5 միլիարդից հասել է 75 միլիարդ դոլարի, իսկ ոլորտի տարեկան շրջանառությունը 1 միլիարդից հասել է 10 միլիարդ դոլարի։
Էրդողանն ընդգծել է, որ Թուրքիան ներկայում հարձակողական անօդաչու թռչող սարքերի արտադրության աշխարհի երեք առաջատար երկրներից մեկն է և նախատեսում է մինչև 2023 թվականը ներկայացնել ներքին մարտական ինքնաթիռ։
«Թուրքական արտադրության առաջին մարտական ինքնաթիռն իր դեբյուտային թռիչքը կկատարի 2025 թվականին, իսկ 2029 թվականին իր տեղը կզբաղեցնի որպես մեր ռազմաօդային ուժերի հարվածային ուժ»,- ասել է նա։
Կարծիքներ