Պուտինը չեղարկել է Եվրոպայում սովորական զինված ուժերի մասին փարիզյան պայմանագիրը
![Պուտինը չեղարկել է Եվրոպայում սովորական զինված ուժերի մասին փարիզյան պայմանագիրը](https://www.freenews.am/uploads/images/image_750x_6474c8bf334a6.jpg)
Ռուսաստանի նախագահ Վլադիմիր Պուտինը օրենք է ստորագրել Եվրոպայում սովորական զինված ուժերի մասին պայմանագրի (ДОВСЕ) չեղարկման մասին։
Տեղեկատվությունն այսօր տեղադրվել է իրավական տեղեկատվության պաշտոնական պորտալում։
Այս մասին գրում է interfax-ը:
Հիշյալ պայմանագիրը ստորագրվել էր Փարիզում 1990 թվականի նոյեմբերի 19-ին և ուժի մեջ էր մտել 1992 թվականի նոյեմբերի 9-ին։
Ինչպես նշված է չեղյալ հայտարարելու մասին օրենքին կից նյութերում, պայմանագրի դրույթները անդամ պետությունների համար պարտավորություններ են սահմանում սովորական զինված ուժերի հինգ կատեգորիաների քանակական սահմանափակումների վերաբերյալ՝ մարտական տանկեր, զրահապատ մարտական մեքենաներ, հրետանի, մարտական ինքնաթիռներ և մարտական ուղղաթիռներ:
Կարծիքներ