Ակնհայտ է՝ Ռուսաստանն ու Թուրքիան վաղուց են Ադրբեջանին Հայաստանի (Սյունիքի) վրա հարձակվելու կանաչ լույս տվել. Իոաննիսյան
«Կարդացեք Էմանուել Մակրոնի, Օլավ Շոլցի, Շարլ Միշելի և Նիկոլ Փաշինյանի համատեղ հայտարարությունը։ Այն 90+ տոկոսով արտահայտում է Հայաստանի` նախկինում հայտարարված դիրքորոշումները»:
Այս մասին «Ֆեյսբուք»-ի իր էջում գրել է «Իրազեկ քաղաքացիների միավորում» հ/կ-ի ծրագրերի համակարգող Դանիել Իոաննիսյանը՝ շարունակելով.
«Այդ երկրները, որպես արդեն իրենց դիրքորոշում, ամրագրեցին հայ-ադրբեջանական կարգավորման Երևանի առաջ քաշած մոտեցումները` բառերի, եզրույթների, սահմանումների ու դետալների կրկնությամբ։
Ես հույս ունեմ, որ նույնը կանի ԱՄՆ-ն։ Եվ դա կնշանակի, որ առաջադեմ աշխարհը այլևս ոչ թե չեզոք միջնորդ է, այլ Հայաստանի մոտեցումները պաշտպանող կողմ։
Արդյո՞ք դա նշանակում է, որ Ադրբեջանը էլ երբեք մեր վրա չի հարձակվի։ Ոչ, բայց դա թանկացնում է նման հարձակման գինը, և, ուրեմն, նվազեցնում դրա հավանականությունը։
Հ.Գ. Ակնհայտ է, որ Ռուսաստանն ու Թուրքիան վաղուց են Ադրբեջանին Հայաստանի (Սյունիքի) վրա հարձակվելու կանաչ լույս տվել և դա տեղի չի ունենում բացառապես մեր զինված ուժերի ու արևմուտքի ակնկալվող հակազդեցության շնորհիվ»։
Կարծիքներ