Ադրբեջանի ԱԳ նախարարն ու ԵԱՀԿ ՄԽ ամերիկացի համանախագահը քննարկել են Հայաստանի հետ խաղաղության գործընթացը
Ադրբեջանի արտգործնախարար Ջեյհուն Բայրամովը ԱՄՆ Պետդեպարտամենտի Կովկասում բանակցությունների գծով ավագ խորհրդական Լուի Բոնոյի հետ քննարկել է Բաքվի և Երևանի միջև խաղաղ համաձայնագրի շուրջ բանակցությունների հեռանկարները։ Այս մասին այսօր հայտնել է Ադրբեջանի ԱԳՆ մամուլի ծառայությունը։
«Հանդիպման ընթացքում քննարկվել են Ադրբեջանի և Հայաստանի միջև խաղաղ համաձայնագրի շուրջ բանակցային գործընթացի հետագա հեռանկարները, ինչպես նաև հարաբերություններիկարգավորման այլ բաղադրիչներ»,- ասվում է զեկույցում։
Ըստ Ադրբեջանի ԱԳՆ-ի՝ Բայրամովը նշել է, որ «Հայաստանը չի կատարում եռակողմ հայտարարությամբ ստանձնած պարտավորությունները, ամբողջությամբ չի դուրս բերել իր ուժերը ադրբեջանական տարածքներից, օկուպացիայի տակ է պահում Ադրբեջանի ութ գյուղ և պարբերաբար շարունակում է ռազմական և քաղաքական սադրանքները»։
Նաև ընդգծել է վերջերս հայկական կողմից գերեվարված երկու ադրբեջանցի զինծառայողների անհապաղ ազատ արձակման անհրաժեշտությունը։
Կարծիքներ