Հրդեհ է բռնկվել Բելգորոդի նավթոբազայի տարածքում. կան տուժածներ
Խոշոր հրդեհ է բռնկվել Բելգորոդի նավթագործարանի պահեստում: «Հայկական ժամանակի» հաղորդմամբ՝ այս մասին հայտնում է Россия 24 հեռուստաալիքը։
Շրջանի ղեկավար Վյաչեսլավ Գլադկովը սոցցանցերում գրել է, որ հրդեհի վայր են ուղարկվել արտակարգ իրավիճակների բոլոր ծառայությունները։
Զոհերի մասին տեղեկությունը ճշտվում է, առայժմ հայտնի է 2 տուժածի մասին, որոնք պահեստային մասի աշխատակիցներ են:
Գլադկովը քիչ ուշ հայտարարել է, որ նավթոբազայում հրդեհը տեղի է ունեցել ուկրաինական ավիացիայի երկու ուղղաթիռների ավիահարվածի արդյունքում:
Նա պարզաբանել է, որ մարտական օդանավերը Ռուսաստանի տարածք են մտել, հարվածներ հասցրել ցածր բարձրությունից, սակայն բնակչությանը վտանգ չի սպառնում, շրջանն ունի բոլոր միջոցները՝ հրդեհի տարածումը կանխելու և այն մեկուսացնելու համար:
Կարծիքներ