Օդեսան և Կիևը ենթարկվել են զանգվածային հարվածների. ՌԴ-ն խոցել է ուկրաինական 102 ԱԹՍ
Գիշերը Ռուսաստանն անօդաչու թռչող սարքերով զանգվածային հարվածներ է հասցրել Ուկրաինային։ Ամենից շատ ուժել են Օդեսան և Կիևը։ «Արմենպրես»-ի փոխանցմամբ՝ այս մասին հաղորդում է BBC-ի ռուսական ծառայությունը։
Օդեսայում հարվածի տակ են հայտնվել կենտրոնական փողոցները, երկու մարդ զոհվել է, ինը մարդ՝ վիրավորվել։ Վնասվել են բնակելի տներ, բուժհաստատություններ։
Կիևի յոթ շրջաններում ավերածություններ են եղել, վնասվել բազմաբնակարան շենքեր և մասնավոր տներ, հրդեհներ են բռնկվել։ Կիևի քաղաքապետ Վիտալի Կլիչկոն հայտնել է չորս տուժածի մասին։
Իր հերթին, Ռուսաստանի պաշտպանության նախարարությունը հայտնել է, որ գիշերը խոցել է ուկրաինական 102 անօդաչու թռչող սարք։ Վնասների մասին գերատեսչությունը չի հաղորդել։
«Ռոսավիացիա»-ն հայտնել է, որ երկրի մի շարք օդանավակայաններ, այդ թվում՝ Իժևսկի, Կիրովի, Սանկտ Պետերբուրգի և Տամբովի, ժամանակավորապես դադարեցրել են չվերթերի սպասարկումը։ Մոսկվայի բոլոր չորս օդանավակայաններում նույնպես կարճ ժամանակով չվերթերի սահմանափակումներ են մտցվել։
Կարծիքներ