Բոլսոնարոն հայտարարել է Ժանին Ագնեսին քաղաքական ապաստան տրամադրելու պատրաստակամության մասին
Բրազիլիայի նախագահ Ժաիր Բոլսոնարոն պատրաստ է քաղաքական ապաստան տրամադրել Բոլիվիայի նախկին ժամանակավոր նախագահ Ժանին Անյեսին, ով իր երկրում 10 տարվա ազատազրկման է դատապարտվել պետական հեղաշրջման մեղադրանքով։ Այս մասին քաղաքական գործիչը հայտարարել է կիրակի օրը։
«Մենք սկսել ենք բանակցությունները: Ես կանեմ ամեն ինչ, որպեսզի նա հայտնվի Բրազիլիայում, եթե Բոլիվիայի կառավարությունը համաձայնի, և մենք նրան ապաստան կտրամադրենք», - ասել է նա իր սոցիալական ցանցերում հեռարձակված հարցազրույցի ժամանակ: Երկրի ղեկավարի խոսքով՝ ինքն արդեն քննարկել է Ագնեսի ճակատագիրը իր արգենտինացի գործընկեր Ալբերտո Ֆերնանդեսի և տարածաշրջանի այլ ղեկավարների հետ։
Բոլսոնարոն հավելել է, որ պատրաստ է ապաստան տրամադրել նաև Բոլիվիայի զինված ուժերի նախկին հրամանատար Ուիլյամս Կալիմանին և ոստիկանության նախկին պետ Վլադիմիր Կալդերոնին, որոնք Ագնեսի հետ հեռակա դատապարտվել են ազատազրկման։ «Որքանով ես գիտեմ, նրանք դեռ ազատության մեջ են, միգուցե այլ երկրներում, նրանցից մեկն, ի դեպ, հավանաբար Բրազիլիայում է: Եթե այո, ապա քանի դեռ ես նախագահ եմ, նրան չեն արտահանձնի»,- ասել է նա։
Կարծիքներ