Հայաստանն ու Ադրբեջանը պայմանավորվել են տարածքային ամբողջականության փոխադարձ ճանաչման շուրջ. Նիկոլ Փաշինյան
Հայաստանն ու Ադրբեջանը պայմանավորվել են միմյանց տարածքային ամբողջականության փոխադարձ ճանաչման շուրջ:
Այս մասին այսօր հայտնել է ՀՀ վարչապետ Նիկոլ Փաշինյանը՝ ելույթ ունենալով Եվրասիական բարձրագույն տնտեսական խորհրդի ընդլայնված կազմով նիստում։
«Ուզում եմ հաստատել, որ Հայաստանն ու Ադրբեջանը պայմանավորվել են միմյանց տարածքային ամբողջականության փոխադարձ ճանաչման շուրջ, և այս հիմքով կարելի է ասել, որ բավականին լավ ընթացք կա մեր հարաբերությունների կարգավորման ուղղությամբ»,- ասել է նա։
ՀՀ վարչապետն անդրադարձել է նաև «միջազգային մեխանիզմի շրջանակներում» Լեռնային Ղարաբաղի բնակիչների իրավունքների և անվտանգության ապահովման խնդրին։
«Հուսով եմ, որ Բաքվի և Ստեփանակերտի միջև շուտով կսկսվի նորմալ կառուցողական երկխոսություն»,- ասել է Նիկոլ Փաշինյանը:
Կարծիքներ