Արսեն Թորոսյանն այցելել է «Օթևան» ՊՈԱԿ-ի Սպիտակի և Վանաձորի սոցիալական բնակարաններ

Աշխատանքի և սոցիալական հարցերի նախարար Արսեն Թորոսյանն այսօր այցելել է «Օթևան» ՊՈԱԿ-ի Սպիտակի և Վանաձորի սոցիալական բնակարաններ։

Նախարարը շրջել է տարածքներում, ծանոթացել շինությունների պայմաններին, ինչպես նաև հետևել Վանաձորի սոցիալական բնակարանների հիմնանորոգման աշխատանքների ընթացքին։ 

Արսեն Թորոսյանը ուսումնասիրել է շինության հիմնանորոգման նախագիծը, տվել համապատասխան հանձնարարականներ՝ նախատեսված աշխատանքները պատշաճ և սահմանված ժամկետում ավարտելու վերաբերյալ։ 

Նախարարն ընդգծել է նաև «Օթևան» ՊՈԱԿ-ի ենթակայության ներքո գտնվող սոցիալական բնակարանների հստակ գույքագրման և բաշխման կարևորությունը, ինչը կնպաստի ոլորտային քաղաքականության թիրախային իրականացմանը։