Իտալիայում սառցադաշտի փլուզման հետևանքով 15 մարդ անհետ կորել է

Առնվազն 15 մարդ համարվում է անհետ կորած Իտալիայի հյուսիս-արևելքում Դոլոմիտներում գտնվող Մարմոլադա սառցադաշտի փլուզման հետևանքով: Այս մասին կիրակի օրը հայտնել է ANSA գործակալությունը ՝ վկայակոչելով փրկարարներին, որոնք նշում են ողբերգության պահին լեռան վրա զբոսաշրջիկների թիվը։

Այսպիսով, նրանց հաջողվել է պարզել, որ ավտոկայանատեղիում մնացել է 16 ավտոմեքենա, որոնց տերերի ինքնությունը պարզում է ոստիկանությունը։ Ավելի վաղ հաղորդվում էր վեց զոհի և ութ վիրավորի մասին։ Իտալիայի վարչապետ Մարիո Դրագին ցավակցություն է հայտնել զոհվածների ընտանիքներին։

Alpine Rescue Group-ի տեխնիկներին հաջողվել է պարզել, որ սառցե զանգվածը, պոկվելով, շարժվել է մինչև 300 կմ/ժ արագությամբ։