Տնտեսության զարգացումն ապահովող կարևոր ոլորտների ընկերությունները դժվար կացության մեջ են հայտնվել. Վահան Քերոբյան
Հունիսի 27-ին ՀՀ էկոնոմիկայի և ֆինանսների նախարարներ Վահան Քերոբյանն ու Տիգրան Խաչատրյանը հանդիպում են ունեցել այն գործարարների խմբի հետ, որոնք բաց նամակով դիմել էին նախարարություններին և Կենտրոնական բանկին՝ մտահոգություն հայտնելով իրենց բիզնեսի վրա դրամի անկանխատեսելի արժևորման բացասական ազդեցության կապակցությամբ։
Այս մասին ֆեյսբուքյան իր էջում տեղեկացրել է Վահան Քերոբյանը:
Գրառման մեջ նաև ասված է.
«Տնտեսության զարգացումն ապահովող կարևոր ոլորտների ընկերությունները դժվար կացության մեջ են հայտնվել և ակնկալում են պետության աջակցությունը։
Լսեցինք բոլորի փաստարկները, քննարկեցինք իրավիճակը և պայմանավորվեցինք առաջիկայում ևս մեկ անգամ հանդիպել՝ ամփոփելու խնդիրները և ձևակերպելու անելիքը»։
Կարծիքներ