Մոռացել են, որ Աստծո ծառա են, գիտեն՝ գողական են, հարց լուծող քավոր, բիզնեսմեն. Սիմոնյանը՝ հոգևորականների մասին
«Որևէ մեկի ննջարան չենք մտնում, հոգևոր կառույցի մասին ենք խոսում»:
Այս մասին լրագրողների հետ ճեպազրույցում ասել է ԱԺ նախագահ Ալեն Սիմոնյանը՝ անդրադառնալով Ամենայն հայոց կաթողիկոսի և կուսակրոն հոգևորականների հետ կապված վարչապետի վերջին գրառումներին։
Սիմոնյանը չի բացառել, որ Սահմանադրության մեջ եկեղեցուն առնչվող փոփոխություններ էլ լինեն:
«Ես նման քննարկման չեմ մասնակցել, բայց չեմ բացառում, որ Սահմանադրության մեջ եթե փոփոխություն լինի, այդ հարցը ևս այլ կերպ է ներկայացված լինելու, որովհետև Հայաստանը խղճի ազատություն դավանող երկիր է, և կարծում եմ՝ եթե ինչ-որ կրոնական կառույց ունենում է հատուկ կարգավիճակ, նշանակում է՝ պետությունը ևս պետք է դրա մեջ ունենա մասնակցություն՝ առնվազն այդ կառույցը թափանցիկ դարձնելու համար»,- նշել է Սիմոնյանը:
Ըստ նրա՝ եկեղեցին քաղաքական կուսակցության դեր է իր վրա վերցրել:
«Եթե Բագրատ սրբազանը կարող է Կանադայի քաղաքացի լինելով վարչապետի թեկնածու լինել՝ չեմ բացառում, որ մի օր էլ կաթողիկոսը վարչապետի թեկնածու լինի։ Կաթողիկոսն էլ իրավունքներ ունի և կարող է որպես վարչապետի թեկնածու ներկայանալ»,- հավելել է ԱԺ նախագահը:
Ըստ Սիմոնյանի՝ հոգևորականները մոռացել են, որ Աստծո ծառան են. «Մտածում են՝ գողական են, հարց լուծող քավոր, բիզնեսմեն»։
Նա հիշեցրել է, որ սրբազան կար՝ զենքով էր շրջում ու գերթանկարժեք մեքենա ուներ:
Կարծիքներ