ԱՄՆ դատարանը մերժել է Դոնալդ Թրամփի հայցն ընդդեմ Twitter-ի

ԱՄՆ շրջանային դատավորը մերժել է ԱՄՆ նախկին նախագահ Դոնալդ Թրամփի հայցն ընդդեմ Twitter-ի։ Այս  մասին ուրբաթ հայտնել է Reuters գործակալությունը ՝ վկայակոչելով դատարանի որոշումը։

Դատավորը, իբր, անտեսել է Թրամփի այն փաստարկը, որ Twitter-ը խախտել է իր ազատ խոսքի իրավունքը՝ երաշխավորված ԱՄՆ Սահմանադրության առաջին փոփոխությամբ։

Անցյալ տարի Թրամփի փաստաբանները պնդում էին, որ Twitter-ն այնպիսի ուժ ունի երկրի քաղաքական դիսկուրսի վրա, որ կարող է վտանգավոր լինել ազատ ժողովրդավարական բանավեճերի համար:

2021-ի սկզբին Twitter-ը և սոցիալական ցանցերի այլ հարթակներ Թրամփին արգելեցին իրենց ծառայություններն այն բանից հետո, երբ նրա կողմնակիցների ամբոխը հարձակվեց Կապիտոլիումի վրա: Հարձակումը հաջորդեց Թրամփի ելույթին, որտեղ նա պնդում էր, որ 2020 թվականի նոյեմբերի ընտրություններում իր պարտությունը տեղի է ունեցել զանգվածային կեղծիքների պատճառով:

Twitter-ը արդարացրել է Թրամփի աքաունթի արգելափակումը նրանով, որ նախկին նախագահի թվիթերը մեծ հավանականությամբ կխրախուսեն մարդկանց կրկնել հունվարի 6-ի իրադարձությունները։