Ուկրաինայում Կորեայի Հանրապետության դեսպանը վերադարձել է Կիև
Ուկրաինայում հարավկորեացի դիվանագետների մի մասը, այդ թվում՝ դեսպանը, վերադարձել են Կիև՝ մայրաքաղաքում դիվանագիտական առաքելության աշխատանքը վերսկսելու համար։ Այս մասին երկուշաբթի հայտնել է Yonhap գործակալությունը ՝ վկայակոչելով Կորեայի Հանրապետության արտաքին գործերի նախարարությանը։
Գործակալությունը նշում է, որ շաբաթ օրը Կիև են վերադարձել աշխատակիցներից մի քանիսը և դեսպան Կիմ Հյոն-Տեն, ով մարտից աշխատում էր Չեռնովցիում։ Սեուլը դիտարկում է Ուկրաինայի մայրաքաղաքում դիվանագիտական առաքելության աշխատանքի ամբողջական փուլային վերսկսման ծրագրերը։
Անցյալ շաբաթ ԱՄՆ պետքարտուղար Էնթոնի Բլինկենը հայտարարեց ամերիկացի դիվանագետների Ուկրաինա աստիճանական վերադարձի մասին։
Կարծիքներ