Օսթինը նշել է, որ չի հավատում Ուկրաինայի շուրջ միջուկային հակամարտության հնարավորությանը

ԱՄՆ պաշտպանության նախարար Լլոյդ Օսթինը հայտարարել է, որ չի հավատում միջուկային հակամարտության հնարավորությանը Ուկրաինայի շուրջ ստեղծված իրավիճակի պատճառով։ Համապատասխան հայտարարությունը նա արել է Fox News- ին տված հարցազրույցում , որը ցուցադրվել է երեքշաբթի։

«Ես չեմ հավատում դրան», - ասել է Օսթինը, երբ նրան հարցրել են, թե արդյոք ինքը կարծում է, որ Ուկրաինայում հակամարտությունը կարող է վերաճել միջուկայինի: «Մեր միջավայրում գտնվող միջազգային հանրության բոլոր անդամներն անում են ամեն ինչ, որպեսզի դա տեղի չունենա: Բայց Ուկրաինան իրավունք ունի պաշտպանել իրեն, և մենք կշարունակենք աջակցել նրան»,- ընդգծել է նա:

Օսթինը նաև վտանգավոր է անվանել ՌԴ ԱԳ նախարար Սերգեյ Լավրովի հայտարարությունները միջուկային պատերազմի հավանականության վերաբերյալ։ «Ցանկացած նման հռետորաբանություն չի օգնում, ոչ ոք չի կարող հաղթել միջուկային պատերազմում»,- ասել է Պենտագոնի ղեկավարը։ «Դժվար է ասել, թե ինչ է եղել Լավրովի խոսքերի հետևում, սակայն նման հռետորաբանությունից պետք է խուսափել»,- ասել է Օսթինը։