Ֆինլանդիան ցանկանում է հաջորդ շաբաթվա կեսերին դիմել ՆԱՏՕ-ին անդամակցելու համար
Ֆինլանդիան մտադիր է հաջորդ շաբաթվա կեսերին պաշտոնապես դիմել ՆԱՏՕ-ին անդամակցելու համար։ Այս մասին հայտարարել է արտգործնախարար Պեկկա Հաավիստոն NHK- ին ուրբաթ օրը հրապարակված հարցազրույցում ։
Հաավիստոն նշել է, որ Ֆինլանդիան պատրաստ է ցանկացած իրավիճակի Ռուսաստանի հետ սահմանային գոտում, սակայն ցանկանում է այնտեղ հանգստություն պահպանել։ Ֆինլանդիայի ԱԳՆ ղեկավարը նաեւ ասել է, որ «Ռուսաստանը Ֆինլանդիայի համար կարեւոր հարեւան է»։ Միաժամանակ, նրա խոսքով, երկու երկրների հարաբերություններն ավելի են բարդացել Ուկրաինայի շուրջ ստեղծված իրավիճակի ֆոնին։
Ֆինլանդիայի նախագահ Սաուլի Նիինիստոն և վարչապետ Սաննա Մարինը հինգշաբթի հրապարակված համատեղ հայտարարության մեջ ասացին, որ Ֆինլանդիան պետք է հնարավորինս շուտ դիմի ՆԱՏՕ-ին միանալու համար: Սպասվում է, որ պաշտոնական որոշում կկայացվի կիրակի օրը։ Ֆինլանդիայի խորհրդարանն իր հերթին մայիսի 16-ին քննարկում կանցկացնի ՆԱՏՕ-ին երկրի անդամակցության հեռանկարների շուրջ։
Կարծիքներ