Կառավարությունը հրապարակել է ՀՀ-ԱՄՆ հուշագրերը, որոնք, ի զարմանս դատարկ դհոլների, բխում են ՀՀ պետական շահերից

Աշխատանքի և սոցիալական հարցերի նախարար Արսեն Թորոսյանը «Ֆեյսբուք»-ի իր էջում անդրադարձել է Հայաստանի և Միացյալ Նահանգների կողմից օգոստոսի 8-ին Վաշինգտոնում ստորագրված փոխըմբռնման հուշագրերին, որոնց բովանդակությունը հրապարակվել է:

«Ժամանակին մի ընդդիմադիր կար, որին այդ ժամանակվա իշխանությունները «դատարկ դհոլ» էին կարգել։ Հիմա գրեթե ամբողջ ընդդիմությունն է դարձել «դատարկ դհոլ», այդ թվում՝ նախկինում ուրիշին նման կերպ «կարգածները»։

Կառավարությունը հրապարակել է ՀՀ-ԱՄՆ հուշագրերը, որոնք, ի զարմանս այդ բոլոր դատարկ դհոլների, բխում են ՀՀ պետական շահերից, ինչպես նախկինում հրապարակված Խաղաղության համաձայնագիրը և ՀՀ-ԱՄՆ-Ադրբեջան եռակողմ արձանագրությունները։

Փաստն այն է, որ այդ դատարկ դհոլները այդպես էլ «լիքը» կամ բովանդակային չեն դառնա, իսկ Կառավարությունը և մեր քաղաքական թիմը հետևողականորեն առաջ են տանելու ՀՀ պետական շահերը»,- գրել է Թորոսյանը։