Լեհաստանում հրապարակել են նախագահական ընտրությունների առաջին փուլի արդյունքները
Լեհաստանի գործող նախագահ Անջեյ Դուդան նախագահական ընտրությունների առաջին փուլի արդյունքներով առաջատար է: Սակայն պետք է կայանա երկրորդ փուլը, հաղորդում է «ՌԻԱ նովոստին»՝ հղում անելով Լեհաստանի ընտրական հանձնաժողովին:
Կիրակի Լեհաստանում կայացել է նախագահական ընտրությունների առաջին փուլը, որին մասնակցել է 11 թեկնածու:
Լեհաստանի ընտրական հանձնաժողովի տվյալներով՝ մշակվել է արձանագրությունների 99,78%-ը:
Դուդայի օգտին քվեարկել է 8 412 183 ընտրող կամ 43,67%-ը:
Նրա գլխավոր մրցակից Ռաֆալ Տշասկովսկիի օգտին քվեարկել է 5 845 164 ընտրող կամ 30,34%-ը:
Երրորդ տեղում է Շիմոն Խոլովնյան՝ 2 667 655 ձայներով (13,85%):
Կարծիքներ