Երևանի քաղաքապետարանն իր գործունեության բոլոր ոլորտներում առաջնորդվում է Սահմանադրության արժեքներով. Տիգրան Ավինյան
Երևանի քաղաքապետ Տիգրան Ավինյանը շնորհավորական ուղերձ է հղել Սահմանադրության օրվա առթիվ:
Ուղերձում մասնավորապես ասվում է.
«Այսօր նշում ենք Հայաստանի Հանրապետության Սահմանադրության 30-ամյակը՝ պետության հիմնարար օրենքի, որը սահմանում է մեր երկրի կառավարման համակարգը, քաղաքացիների իրավունքներն ու ազատությունները և հաստատում է իրավունքի գերակայությունը։
1995 թվականին ընդունված Սահմանադրությամբ մեր երկիրն ընտրեց անկախության, ժողովրդավարության և իրավական պետության ուղին։
Երևանի քաղաքապետարանն իր գործունեության բոլոր ոլորտներում առաջնորդվում է Սահմանադրության արժեքներով՝ տեսնելով քաղաքացուն որոշումների կենտրոնում։
Շնորհավորում եմ Սահմանադրության 30-ամյակի կապակցությամբ՝ վերահաստատելով մեր հավատարմությունը Սահմանադրությամբ ամրագրված ժողովրդավարական, իրավական և քաղաքացիակենտրոն պետության տեսլականին»։
Կարծիքներ