Օրը չի կապվում որևէ ռազմական գործողության հետ, «երկնային բանակի» օրն ունի հավաքական խորհուրդ․ ՊՆ փոխնախարար
ՀՀ Պաշտպանության փոխնախարար Արման Սարգսյանը Եռաբլուրում լրագրողների հետ ճեպազրույցում անդրադարձել է դիտարկումներին, թե զոհված զինծառայողների հիշատակի օրվա ընտրությունը սխալ է:
«Արդեն ունենք կոնկրետ հիշատակի օր՝ երկնային բանակի օր։ Բոլորի համար ընդունելի է այս օրը՝ հավաքական խորհրդով, և ճիշտ է, որ ԱԺ-ն հավանության արժանացրեց, մենք ունենք հստակ օր, որը չի կապվում որևէ կոնկրետ ռազմական գործողության օրվա հետ։ Բոլոր հարցերը իմ կողմից բերված տրամաբանությամբ են, որ այս օրը ընտրվել է»,- ասել է Սարգսյանը:
Նա նշել է, որ սեպտեմբերի 27-ին հիշատակի օրվա ընտրությունը սխալ կլիներ՝ ի տարբերություն ծնողներից շատերի պնդման, որ հենց այդ օրն է իրենց համար հիշատակի օր, երբ սկսվել է 44-օրյա պատերազմը։
«Քանի որ Հայաստանը բազմաթիվ ռազմական գործողությունների ու պատերազմների շրջան է ունեցել, այդ իսկ պատճառով հստակ օր չի դրվել։ Պետք է այդ տրամաբանությամբ մոտենան։ Բոլորը մեր եղբայրներն են, և ավագները կասեն՝ բոլորը բոլորի որդիներն են, որոնք զոհվել են հայրենիքի համար, և գալիս են իրենց խոնարհումն ու հարգանքը բերելու»,- եզրափակել է նախարարը:
Կարծիքներ