Գիտական 17 նախագիծ պետության կողմից կֆինանսավորվի

Ամփոփվել են ԿԳՄՍՆ բարձրագույն կրթության և գիտության կոմիտեի «Փորձարարական մշակումների նախագծեր (Experimental Development Projects) 2025» մրցույթի արդյունքները. ֆինանսավորման է երաշխավորվել 17 նախագիծ:

Մրցույթի նպատակն է աջակցել նոր տեխնոլոգիաների մշակմանը, արտադրության մեջ գիտական հետազոտությունների արդյունքների կիրառմանը, գիտական և գիտատեխնիկական գործունեության սոցիալ-տնտեսական ազդեցության աճին, նպաստել գիտության և բիզնեսի միջև կապերի ձևավորմանը: Նախագծերի առանցքում կարևորվել է բնական, բժշկական, գյուղատնտեսական գիտությունների և ճարտարագիտության բնագավառում կիրառելի մշակումների իրականացումը:

Գիտական և գիտատեխնիկական գործունեության ֆինանսավորման մեջ խրախուսվել է մասնավոր հատվածի մասնակցությունը:

Հիշեցնենք, որ 2023 թվականի մարտի 1-ից «Փորձարարական մշակումների նախագծեր (Experimental Development Projects)» առաջին մրցույթի շրջանակում ֆինանսավորման էր երաշխավորվել 6 նախագիծ։