Վերին պետությունը և Հայաստանի Հանրապետությունը. ինչու է վարչապետն առաջարկում պատարագից առաջ հնչեցնել ՀՀ պետական օրհներգը

ՀՀ վարչապետ Նիկոլ Փաշինյանը սոցցանցի իր էջում մանրամասնել է՝ ինչու է առաջարկում, որ ՀԱԵ եկեղեցիներում սուրբ և անմահ պատարագից առաջ հնչեցնել ՀՀ պետական օրհներգը:

Տեսանյութը վարչապետը վերնագրել է «Վերին պետությունը և Հայաստանի Հանրապետությունը»:

Ըստ վարչապետի պետք է նաև քննարկման առարկա դառնա ՀՀ տարածքում՝ եկեղեցիներում, մուտքի մոտ կամ ներսում Հայաստանի պետական դրոշի առկայության հարցը, որը մի շարք երկրներում ընդունված պրակտիկա է:

Հիշեցնենք՝ վարչապետը դեկտեմբերի 7-ին սոցցանցի իր էջում գրել էր.  «301 թվականին Հայ առաքելական եկեղեցին ստեղծվել է պետության կողմից, պետության որոշմամբ։ Կարծում եմ՝ ճիշտ կլինի, որ կիրակնօրյա պատարագներից առաջ՝ 10:55, բոլոր եկեղեցիներում երգչախմբերը կատարեն  Հայաստանի Հանրապետության պետական օրհներգը»,- առաջարկել է վարչապետը։