ՀՀ ԱԺ նախագահը պաշտոնական այցով կմեկնի Ռուսաստան
Հայաստանի Ազգային ժողովի նախագահ Ալեն Սիմոնյանը պաշտոնական այցով կմեկնի Ռուսաստանի Դաշնություն՝ Դաշնային խորհրդի նախագահ Վալենտինա Մատվիենկոյի հրավերով։
Այդ մասին Սիմոնյանը հայտնել է խորհրդարանում լրագրողների հետ ճեպազրույցի ընթացքում։ Նրա խոսքով՝ այցի ժամկետները դեռևս հստակեցված չեն։
«Ես ստացել եմ պատասխան այցի հրավեր։ Իմ գործընկեր տիկին Մատվիենկոն վերջերս Հայաստանում էր՝ մեծ պատվիրակությամբ, և այդ այցի շրջանակում ես ստացել եմ համապատասխան հրավերը», — նշել է ՀՀ ԱԺ նախագահը։
Կարծիքներ