Թայվանը տասնյակ հետցնցումներ է գրանցել 6,6 մագնիտուդով երկրաշարժից հետո

Թայվանում բարձր սեյսմիկ ակտիվություն է գրանցվել այնտեղ 6,6 մագնիտուդ ուժգնությամբ երկրաշարժից հետո։ Կղզու սեյսմոլոգիական ծառայությունը չորեքշաբթի հայտնել է, որ գրանցվել է առնվազն 79 հետցնցում, այդ թվում՝ 7-ը 5,0 մագնիտուդից բարձր:

Ծառայության փորձագետները զգուշացրել են, որ առաջիկա երեք օրերին տարածաշրջանում հնարավոր են նոր ուժգին երկրաշարժեր։

Անցած գիշեր 6,6 մագնիտուդ ուժգնությամբ երկրաշարժ է տեղի ունեցել Թայվանում , որի էպիկենտրոնը գտնվում է արեւելյան Հուալիեն շրջանի ափին : Այն զգացվել է Չինաստանի նահանգի բազմաթիվ քաղաքներում և շրջաններում և առաջացրել ճաքեր մի շարք ճանապարհների վրա, ինչպես նաև լեռներում քարաթափումներ։ Զոհերի կամ մեծ ավերածությունների մասին տեղեկություններ չկան։

Ավելի քան 23 միլիոն բնակչություն ունեցող Թայվանը գտնվում է Խաղաղ օվկիանոսում՝ երկու տեկտոնական թիթեղների միացման վայրում: Կղզու արևելյան հատվածը համարվում է Ասիայի ամենավտանգավոր սեյսմիկ գոտիներից մեկը։