Թայվանի իշխանությունները հայտարարել են Ռուսաստանի դեմ պատժամիջոցներին միանալու մտադրության մասին
Թայվանի վարչակազմը կմիանա Ռուսաստանի Դաշնության դեմ միջազգային տնտեսական պատժամիջոցներին՝ կապված Ուկրաինայում տիրող իրավիճակի հետ։ ՏԱՍՍ-ի հաղորդմամբ՝ այս մասին ուրբաթ օրը հայտնել է կղզու արտաքին գործերի նախարարությունը։
«Թայվանի կառավարությունը խորապես ափսոսում է, որ Ռուսաստանը ընտրել է ուժ և ահաբեկում վեճերը խաղաղ դիվանագիտական բանակցությունների միջոցով լուծելու փոխարեն։ Որպեսզի ստիպեն Ռուսաստանի Դաշնությանը դադարեցնել իր ռազմական ագրեսիան Ուկրաինայի դեմ և շուտափույթ վերսկսել խաղաղ երկխոսությունը բոլոր շահագրգիռ կողմերի միջև, որքան հնարավոր է շուտ, Թայվանի կառավարությունը հայտարարում է Ռուսաստանի դեմ միջազգային տնտեսական պատժամիջոցներին միանալու մասին»,- ասվում է նախարարության կայքում։
Թայբեյը չի հստակեցրել, թե որն է լինելու պատժամիջոցների էությունը և կոնկրետ ինչ են սպառնում։
Կարծիքներ