Ֆիլիպինների ափերի մոտ 5,9 մագնիտուդ ուժգնությամբ երկրաշարժ է տեղի ունեցել
Ֆիլիպինների Մինդանաո կղզու մոտակայքում երեքշաբթի տեղական ժամանակով 9:23-ին 5,9 մագնիտուդով երկրաշարժ է գրանցվել։ ՏԱՍՍ֊ի հաղորդմամբ՝ այս մասին հայտնում է Հանրապետության հրաբխագիտության և սեյսմոլոգիայի ինստիտուտը։
Էպիկենտրոնը գտնվել է Մանայ մունիցիպալիտետից (Արևելյան Դավաո նահանգ) 54 կմ դեպի արևելք, որի բնակչությունը գերազանցում է 39 հազարը։ Օջախը գտնվել է 49 կմ խորության վրա։
Զոհերի, ավերածությունների կամ ցունամիի վտանգի մասին տեղեկություններ չկան։
Կարծիքներ