Ավստրալիայի հարավ-արևելքում ուղղաթիռ է կործանվել
Ավստրալիայի հարավ-արևելքում վթարի է ենթարկվել զբոսաշրջային ուղղաթիռ, որում եղել են ուղևորներ, հինգ մարդ վիրավորվել է, նրանցից երկուսի վիճակը ծանր է։ ՏԱՍՍ-ի հաղորդմամբ՝ այս մասին ուրբաթ օրը հայտնել է Նոր Հարավային Ուելս նահանգի փրկարար ծառայությունը։
Ազգային պարկի կիրճը ընկել է փոքր ուղղաթիռը։ Չորս ուղեւորներն ու օդաչուն ծանր վնասվածքներ են ստացել։ «Հրշեջները ճախարակներ են օգտագործում՝ մարդկանց բարձրացնելու համար և փորձում կանխել վառելիքի արտահոսքը Գութեգա ամբարտակի մոտ գտնվող ջրամբարում»,- ասվում է հաղորդագրության մեջ։
Դեպքի վայր են ժամանել շտապօգնության բրիգադները, ոստիկանության, հրշեջ-փրկարարական ջոկատները և Արտակարգ իրավիճակների պետական ծառայության աշխատակիցները։ Բժիշկները երկու տուժածի վիճակը գնահատում են ծանր, ևս մեկը ստացել է ոտքի բարդ վնասվածքներ, մնացածը՝ միջին ծանրության։ Նրանք բոլորը կտեղափոխվեն Սիդնեյի հիվանդանոցներից մեկը։
Վթարի հանգամանքները պարզվում են։
Կարծիքներ